كلام ..اتربينا عليه!

كلام..كلام..كلام..كلنا اتربينا على الكلام..وعلى نصائح اهلينا اللى دايما مش بتكون صح!
وهذا موضوع يستحق منا الاهتمام
لذلك قررت ان انقله لكم..تعالو معايا نتعرف على نصائح اهالينااللى اصبحت من الثوابت فى كل بيت مصرى
_ملكش دعوه بالسياسه..ومتمشيش فى مظاهرات:وقد نجحت الامهات فى هذه الجزئيه نجاحا سا حقا..وده بيظهر عندما ترى اكبر مظاهره فى البلد لا تتجاوز 500 شخص او اقل

_مش عاوزه اسمع صوت: هذه الجمله تدريب هام جدا على التعود منذ الصغر على تقبل الديكتاتوريه التى ستواجهها طوال حياتك

_ماترشدش عليا: ودى نصيحه لو التزمنا بيها هتكتسب ناس كتير مثلا زى دكاتره الجامعه والمديرين فى العمل

_تقعد فى اول صف قدام السبوره: الجمله دى تعودك على ان تكون فى المقدمه دوما

_يابنى اللى ذاكر ذاكر خلاص..قوم نام:الجمله دى اكبر نموذج على الاحباط

_لو فلحت ابقى قابلنى

_قوم اقرالك كلمتين ينفعوك

_ ايه اللامبالاه والاستهتار اللى انت عايش فيهم دول

_انتا فاكرنا لاقين الفلوس دى فى الشارع

_والله ما انت فالح..وادى دقنى لو فلحت

_ما تتكلمش بصوت عالى فى الحمام

_يابنى محدش بينفع حد

_ربنا يرزقك بعيل يوريكى اللى ورتهولى


ايه رأيكوا بقى ننسى النصائح دى خالص ونبحث عن نصائح ايجابيه ننقلها لأولادنا وننقلها قبلهم لانفسنا؟
صدقون الموضوع هيتغير كتير والشخصيه المصريه نفسها هتختلف
..مش كده ولا ايه؟؟
مستنيه ردكم على الموضوع

مرسى بجد ياشوشو على الموضوع
الكلام ده فعلا اتقالى وانا صغير: delishes كتير ولحد دلوقتى

بس بجد بينفع :wallbash: wallbash: :wallbash:

اوك انا معاك انه هو فى حاجات منه كتير بتنفع
بس فى نفس الوقت فى حاجات برده سلبيه
فانت ايه رأيك فيها وهل هتربى اولادك بنفس الحاجات دى
ومرسى على مشاركتك للموضوع

مش هكدب عليكى واقولك لا هكون اب مثالى وعمرى ماهقول الكلام ده

ولكن بتبعيه الاحداث هتلاقينى بقول الكلام ده بمنتهى البساطه

وجننتنى ياواد وخش ذاكرك كلمتين وسيب التليفزيون والكلام ده

وموضوعك حلو اوى

على فكره انا فرحانه جدا انك بتشاركنى ارئك
وبجد ردك للموضوع هايل اوى
بس برده المفروض ان احنا نتعلم من اخطاء غيرنا
مثلا انا بشوف ناس كتير اوى تضرب ولادها فى الشارع
بتخيل مثلا ان ازاى اقدر ان انا اضرب بنتى او ابنى كده
ده مثلا بالنسبه للضرب
لكن فى المعاملات بتختلف من شخص للتانى
حسب ماالأب والأم اتعودوا واتربوا
وفى ناس بتهيأ نفسها على تربيه اولادها فى الاول
بس فأنا اتنقشت فى الموضوع ده مع اصحابىوحبيت اشوف ارئكوا فى الموضوع
ومرسى على مشاركتك يا مورجن

مرسي ياشوشو ع الموضوع ده وصح هوه في اشياء موجبه واشياء سلبيه بس طبعا الاشياء الى بتنفع بنربي عيالنا عليها